Kreditu aldaketa horren barruko partidetako batek, Altamirako baratze parkea Santa Klarako eremu batera lekualdatzeak, eztabaida piztu zuen Azkoitia Bai eta Ana Azkoitia alkatearen artean. Dena den, onartu zuten kreditu aldaketa, eta hainbat proiektutara bideratuko du udalak diru hori. Igandean LGTBIQ+ Kolektiboaren Sexu Askapenaren eta Harrotasunaren Nazioarteko Eguna izango da, eta horren bueltako mozio bat onartu, adostu eta irakurri zuten EAJko, PSE-EEko eta EH Bilduko ordezkariek; Azkoitia Baik kontrako boza eman zuen, beste behin, mozioak onartzea ez dela "eraginkorra" argudiatuta.

Guztira, hamabi puntuko eguneko zerrenda landu beharko dute bihar udalean ordezkaritza duten lau taldeek. Bereziki, etxez etxeko laguntza zerbitzuari lotutako kontuak izango dituzte hizpide udal ordezkariek.