Azkoitiko udalbatzarrak

EH Bilduren, Azkoitia Bairen nahiz PSE-EEren abstentzioarekin eta EAJren aldeko botoekin onartu zuen atzo udalak 2026. urteko aurrekontua. Oposizioa kritiko agertu udal gobernuarekiko; izan ere, EAJren udal gobernuak ez ditu kontu ekonomikoak adostasuna lortu arte udalbatzarrera eraman. 

Espainiako entitate batek Gipuzkoako eta Bizkaiko udal askotan ordenantza fiskalen gaineko errekurtso orokor bat aurkeztu eta gero, udal zergak eta tasak berriz bozkatzera behartua izan da Azkoitiko Udala ere. Udalbatzak ez du onartu erreklamazioa, eta udal taldeek aurreko udalbatzarrean bozkatutakoak berretsi dituzte. 

EAJren, EH Bilduren eta PSE-EEren aldeko botoekin onartu zuten atzo adierazpena. Azkoitia Baik, berriz, kontra bozkatu zuen, nahiz eta testuan "irakurritakoaren aurka ez egon". Datorren asteazkenean da Euskararen Nazioarteko Eguna, eta udalak herrian antolatu diren ekintzetan parte hartzeko deia egin die herritarrei.

Garapen agentziak duen eskualde izaera indartzeko eta eskualdeko gainerako herriak Iraurgi Berritzenera erakartzeko lan mahaia eratzearen alde bozkatu zuten Azkoitiko lau udal taldeek. Era berean, kreditu aldaketak ere onartu zituzten: bat, baserri bideen inbentarioa egiteko izango da, eta bestea, Elkarguneko kantxa nagusiaren sabaia konpontzeko.

Atzo onartu zuten, ez ohiko udalbatzarrean, 2026rako ordenantza fiskalen eguneraketa. Bederatzi ataletatik zortzi aho batez onartu zituzten, baina higiezinena ez: oposizioko taldeen aldeko eta udal gobernuaren kontrako botoekin, etxebizitza hutsen gaineko errekargua %150era igotzea onartu zuten. Zaborraren tasari dagokionez, etxebizitzei eta merkataritza zein ostalaritza lokalei dagokiena %6 igoko da, eta industriakoa %13 jaitsi.

Zehazki, kreditu gehigarriaren bidez egin beharreko 1.150.200 euroko kreditu aldaketa onartu zuen atzo arratsaldean udalak, EAJren, EH Bilduren eta Azkoitia Bairen aldeko botoekin; PSE-EEk, abstentziora jo zuen, udal gobernuaren proposamen batzuek sozialistentzat "lehentasunik ez" dutela eta