Gomazko bi erraldoi txikiak 11:00etatik 14:00etara eskuratu ahal izango dituzte herritarrek, hogei euroren trukean bakoitza. Halaber, andremarietan lau egunez aterako dira kalera erraldoiak eta buruhandiak, eta horiek egunez egun egingo duten ibilbidea jakinarazi du udalak.

Gipuzkoako Foru Aldundiak prezio maila desberdinak zehaztu ditu ostatu motaren arabera, eta udalak gutxieneko prezioa aplikatuko du, gutxienez, lehen urtean. Hori hala, aurrerantzean 0,75 euro ordaindu beharko dituzte egonaldi bakoitzeko herriko ostatuetan, hoteletan edota aterpetxeetan ostatu hartzen dutenek. EAJk, EH Bilduk eta PSE-EEk alde bozkatu dute, baina abstenitu egin da Azkoitia Bai, gutxieneko prezioa aplikatzea baino, nahiago izan duelako erdibideko zerga bat aplikatzea.