Gukak bi lagunentzako Muina jatetxeko dastaketa menua zozkatu du azken asteetan bazkide egin direnen artean, eta bestalde, jada bazkide diren hainbat lagunek Udane Juaristik Balearen Egunaren harira egindako margolan bereziaren erreplika bana irabazi dute.

Urolako Komunikazio Taldea (UKT) kooperatiba elkarteak 60.000 euroko diru laguntza jasoko du aurten, iaz baino 5.000 euro gehiago. Udalaren esanetan, euskararen erabileraren normalizazioan aurrera egiteko herritarrentzat "erabateko garrantzia" du tokiko informazioa euskaraz jasotzeak, eta Guka da herritarrek herriko informazioa jasotzeko lehenesten duten hedabidea.