Gukak photocall-a jarriko du karnabaletan Azkoitiko plazan, eta herritar guztiek izango dute han argazkia ateratzeko aukera. Gukako kazetariek aterako dituzte argazkiak, eta hurrengo egunean ikusgai egongo dira webgune honetan, igandean alegia.
Aurten, ordea, berrikuntza batekin dator photocall-a. Han argazkia atera eta hori Instagram-eko stories-etara @azkoitiaguka aipatuz igotzen duten guztien artean Errigoraren saski bat zozkatuko du Gukak. Argazki hori Gukaren webgunetik hartzeko aukera izango dute bazkideek, eta bestela, argazkia bakoitzak bere gailuarekin ateratzeko aukera ere egongo da. Kontu itxia dutenek, berriz, pantaila irudi bat bidali beharko dute Instagrameko zuzeneko mezu bidez. Ostiralean, otsailaren 20an, jakinaraziko du Gukak irabazlearen izena.
Animatu eta atera karnabaletako argazki dibertigarrienak Gukaren photocall-ean!