Udalak urte amaierarako aurreikusi du Jaurlaritzari etxebizitza merkatuko tentsio handiko eremu izendapena eskatzea
Azkoitiko udalbatzarrakUdalak "lanketa abian" duela jakinarazi zuen atzo arratsaldean Ana Azkoitia alkateak. Azkoitia Lantzen sozietatearen bidez egingo ditu erakundeak tentsio handiko eremu izendapena eskatu ahal izateko diagnostikoa, memoria eta hiru urteko plana. Horrez gain, Elkarguneko argindar arazoak ere hizpide izan zituzten, baita Palestinako egoerari buruzko mozio bat eta LGTBI+ kolektiboaren Sexu Askapenaren eta Harrotasunaren Nazioarteko Egunaren bueltako adierazpena ere.
