Albistegia

Euskal Herriko hainbat txokotako trikitilariak eta pandero jotzaileak elkartu ziren atzo Azkoitian, Martirietarako trikitilariari azken agurra emateko. Larunbatean zendu zen Tomas Soraluze Epelde 81 urte zituela, eta horren maitea zuen trikiti munduak agur hunkigarria eskaini zion atzokoan. 

Atletismo erakustaldiaren ostean, herritarrak alkandora deigarriak soinean dituztela atera dira kalera, eta festa giroan murgildu dira, UK03 txaranga lagun dutela. 14:30 aldera plazan elkartu dira denak, paella bazkaltzeko. Kuadrillen Eguneko eguerdiak utzi dituen irudiekin eta adierazpenekin osatutako bideoa da hau.

Andremari jaietako laugarren egunarekin batera, Baserritarren Eguna ospatzen ari dira gaur Azkoitian, eta askotariko ekintzekin osatu dute eguna. Aurrenekoz, Gipuzkoako I. Mendiko Zaldi eta Behorren Txapelketa izan da Plazaberrin, eta Elgoibarko (Gipuzkoa) Artazo ganadutegiak irabazi du lehia. Halaber, goizean zehar, herriko hainbat txoko margotu dituzte Inazio Iriarte margo lehiaketan parte hartu duten artistek, eta trikiti doinuek girotu dituzte kaleak. Umeek jolaserako aukera izan dute Bizijolasen, eta kirolariek, berriz, herri kirol erakustaldia eskaini dute plazan. Baserritarren Eguneko lehen orduek utzi dituzten irudiekin eta adierazpenekin osatutako bideoa da hau.

Sahatsa dantza taldeko kideek bota dute festei hasiera emateko suziria, eta horiek egindako lanaz gain, "euskal nortasunean egindako ekarpena" azpimarratu du Ana Azkoitia alkateak. 

Saharako 21 haur etorri dira Urola Kostara uda igarotzera; 11 harrera familietan daude, eta hamar Azpeitiko Ikasberrin atondu duten Bakeleku udalekuan. Azkoitian, bi haur hartu dituzte. 

Saharar herriaren alde azken urteetan egiten duen lana eta erakutsi duen konpromisoa aitortu zizkion udalak Darahli elkarteari. Leire eta Irati Lizarralde ahizpek piztu zuten sua, Saharako bi emakumerekin eta udal ordezkariekin batera. 

Beroa. Hitz hori da egunotako protagonista nagusia. Beroa barrualdean, eta beroa, apalagoa bada ere, kostaldean. Baina nola daramate herritarrek beroaldia? Muturreko tenperaturei aurre egiteko erremediorik ba al dute? Guka kalera atera da erantzunen bila, eta bideo honetan dituzue herritarrek esandakoak.

Datuek diote autoa gidatzeko baimena ateratzeko adina atzeratzen ari dela, baina zer diote herritarrek? Guka kalera atera da haien iritzia jasotzera, eta bide batez, Asier Larrañaga Azpeitiko Urola autoeskolaren jabearekin ere hitz egin du.

Jendetsua, beroa eta aitortzaz betetakoa izan da hamargarren Pilotari Eguna Azkoitian. Ohiko festa giroan ospatu dute herriko kirolari eskainitako festa, eta lehiak lehia, lagunartea eta pilota izan dira protagonistak. Egunak utzitako irudiekin eta adierazpenekin osatutakoa bideoa da hau. 

Gaur ospatuko duten Trikiti Egunaren atariko gisa, atzo arratsaldean Iñaki Garmendia Laja trikitilariaren 40 pieza jasotzen dituen Ordu txikitako saioak disko bikoitza aurkeztu zuten Portaleburu aretoan, haren senideen eta dozenaka trikitizaleren aurrean. Portaleburun bertan, Urola Erdiko erromeria tokiei buruzko erakusketa jarri du Trikigirok; gaur eta bihar bakarrik egongo da ikusgai.

Matx podcastaren bigarren denboraldiak sei kapitulu izango ditu, eta hileko azken igandeetan eskainiko dira. Denboraldi berriko lehen saioan, Nahia Zudaire igerilari zubietarra elkarrizketatuko du Aratz Losadak. 

Egun handia izan zen atzokoa Realarentzat eta realzaleentzat; egun handia Unai Marrerorentzat eta Igor Zubeldiarentzat, Espainiako Kopako finala irabazi baitzuten haien bihotzeko klubarekin. Herrikideak nahiz kluba animatzeko, Urola Kostako ehunka zale joan zen Sevillara, tartean Gukako Aitziber Arzallus eta Enara Arozena, eta denen pozerako koparekin itzuliko dira eskualdera. Zaleen gunean grabatutako irudiekin eta adierazpenekin osatutako bideoa da hau.