Gau Beltzaren bueltan "indarra hartzen ari diren kontsumo ohiturei alternatiba" eskaini nahian, hiru eguneko egitaraua antolatu du Azkoitiko Euskara Mahaiak hil honen azken hiru egunetarako. Mozorroak egiteko eta kalabazak husteko tailerra, mozorro kalejira eta ipuin kontaketa egingo dituzte, besteak beste.

Azkoitiko Euskara Mahaiak antolatuta, Gau Beltza ez da Halloween solasaldia eskaini zuen atzo Josu Ozaita antropologoak. Antolatzaileen asmoa da aurten herrian Gau Beltza ospatzea, eta gaia herritarren artean gizarteratzea izan zen atzoko hitzaldiaren asmoa.