Azken urteetan umeen danborradak parte hartze "apala" izaten duela eta, egoerari buelta emateko asmoz prozesua jarri du martxan Tata elkarteak, eta horren emaitza izan da data aldatzea, "guraso askoren" eskaera kontuan hartuta. Ekaineko aurreneko asteburua "umeei zuzendutakoa" izatea irudikatu dute antolatzaileek, orduan egiten baitira Herri Jaia eta krosa ere. 

Azaroaren 21ean izango den helduen danborradaren lehen entsegua egin zuten atzo iluntzean Napoleon taldeak, Floreaga ikastetxeko bi taldeek, Xabier Munibe ikastolako bi taldeek, Txintxarrik eta Izarraitzek. Bihar, berriz, pilotarien taldeari, Kalera, Ixkitturri, Aldapa, Zalduntxoak, Belaño eta Izarraitz taldeei egokituko zaie elkartzea.