San Andres jaiei lotutako informazio, argazki, elkarrizketa eta bideo guztiak atal berezi honetan bilduko ditu Guka.eus-ek.
Danborradarako azken entseguetan murgilduta, martxa berria berenganatu nahian ari dira taldeak
aza 19 Azkoitia
Zapaturako giroa berotzen doa danborradako taldeen artean. Atzo, azken entsegu asteko lehen saioan, Gureako kantxa beteta aritu ziren Napoleon taldea, Ixkitturri, Xabier Munibe Ikastola, Txintxarri, Zalduntxoak, Belaño eta talde mistoa. Aurten lehen aldiz Ixkitturrikoen zuzendari makilarekin ariko den Irati Artetxerekin eta Belaño taldearen zuzendari Anartz Zubizarretarekin hitz egin du Gukak, besteak beste, zapatuan estreinatuko duten Azpiazuren San Martin martxa-z.
