Etxebizitza Sindikatu Sozialistak "espekulatzaileen desjabetzea, espekulazioaren debekua eta etxebizitza langileriaren beharren arabera antolatzea" defendatuko du azaroaren 11n. Herritarrak mobilizatzeko asmoz, asanblada egingo dute ostegunean, Elkargunean. 

2026rako Udal Finantzaketarako Foru Funtserako diru bilketaren hasierako aurreikuspenak aldaketak izan ditu, eta udalerriek aurreikusitako kopurua baino gehiago jasoko dute. Azkoitiko Udalak iaz baino 403 mila euro gehiago jasoko ditu Foru Funtsetik, itxiera aurreikuspenaren arabera; guztira, 11,2 milioi euro izango dira.