"Baltsamiko" gisa definitu zuen behin idazle ezagun batek musika. Gainontzeko arte diziplinen aldean badu zerbait, jende masa zabalarengana heltzen dena. Badu botere bat oso zaila dena hitzetan esplikatzen. Potolokeria litzateke musikak mundua alda dezakeela esatea, baina bai aldarazten ditu pertsonen sentimenduak, eta sentitzen denaren araberakoa izaten da pertsonen jarrera; pertsonen jarreraren araberakoa, berriz, gizartea bera. Jarraitu hemen hainbat azkoitiarrek berariaz hautatutako euskal abestien proposamenak.
Azkoitiarren doinuak-48
Ixabel Jauregiren euskal kanta gogokoenak
urt 08 Azkoitia
Euskaltzalea, Erniarraitz bertsozale elkarteko kidea, Caritaseko kidea... modu askotara deskriba daiteke Ixabel Jauregi, eta hura da Azkoitiarren doinuak ataleko 48. protagonista. Azkoitia Gukak hala eskatuta, bost euskal kanta hautatu ditu hark, bakoitza arrazoi jakin batengatik.
