Jose Maria Juaristi (Azkoitia, 1941) 1962an joan zen lehen aldiz Ameriketara, pilotak bultzatuta. Tampan (AEB) zein Tijuanan (Mexiko) urteak igaro zituen, baina horiek ez ziren izan pilotan aritzeko aukera eskaini zioten leku bakarrak. Italian ere urtebetez aritu zen zesta-puntan, eta han zegoela iritsi zitzaion bizitza aldatuko zion gutuna: Floridako West Palm Beachen (AEB) jokatzeko aukera. Herrialde horretako Orlando hirian bizi da orain. Iraileko Azkoitia Guka aldizkariaren Hitz bitan atalean argitaratutako elkarrizketa da honako hau. 

San Martin auzoa sortu zela 100 urte bete direla aintzat hartuta antolatu dute auzo bazkaria. Bazkarian parte hartzeko izena eman beharko da aldez aurretik, eta hain justu, bihar zabalduko dute horretarako epea. Bazkaria Joseba jatetxean egingo dute.