Azkoitiko Elikagaien Bankuak bilketa handia egiten ari da egunotan herriko supermerkatuetan. Atzo, ostirala, hasi ziren herritarren ekarpenak biltzen, eta gaur, zapatua, asmo hori errepikatuko dute. Urteko elkartasun kanpainarik garrantzitsuena izan ohi uda udazkenekoa Gipuzkoako Elikagai Bankuarentzat, eta hori hala, denda eta supermerkatu askotan ari dira herritarren ekarpenak jasotzen.
Azkoitian, Eroskiren bi supermerkatuetan, BMren bi supermerkatuetan eta Lidl supermerkatuan ari dira boluntarioak ekarpenak jasotzen, 09:00etatik 21:00etara. Eroskin eta BMn herritarrek elikagaiak eta diruz lagundutako bonua emateko aukera izango dute boluntarioei, eta Lidlen, bonua soilik.
Herritarrei ere dei berezia egin nahi izan diete gobernuz kanpoko erakunde horretakoek, beren ekarpena egin dezaten.