Udazken giroa iritsi den honetan, datorren asteburuko eguraldiaren iragarpena egin du Eneko Elustondo metereologoak. San Martin festak ospatuko dituzte hainbat lekutan, tartean, Errezilen, eta jaiak zer nolako eguraldiarekin igaroko dituzten aurreratu du Elustondok. 

Boxeoa eta wushua, borroka kirolak dira biak, baina oso desberdinak euren artean. Wushua inork gutxik ezagutzen du; boxeoa, ostera, borroka kirolen esparruko diziplinarik ezagunena da, gero eta zale gehiagorekin. Orioko River Box&Roll klubeko entrenatzaile Ibai Marinek kirol horrek gorputzerako zein bururako dituen onurez jardungo du Bizi On! saioaren atal honetan, eta horretan sakonduko dute kontsulta Azpeitian duten Elene Urbieta eta Ioana Pickford psikologo azkoitiarrek; emozioak kudeatzeko garaian kirola egitea zeinen lagungarri izan daitekeen azaldu dute.