Hainbat udalerriren sarreretan, norabide ezberdinetara ageri diren gezien aldamenean, herri jakin hori zer beste herrirekin senidetuta dagoen harro erakusten duen kartelak ikus daitezke. Baina zer da senidetzea eta zergatik egiten dira? Bi udalerrik bat egiteko arrazoiak hainbat izan daitezke. Akordio bat sinatzen dute kultur harremanak eta harreman sozialak sustatzeko, baita ikasle trukeak gauzatzeko ere, eta, egoeraren arabera, komunitateek elkar laguntzeko. Konpromisoak hartzen dituzte tokian tokiko udalek, eta helburuak betetzen saiatzen dira, nahiz eta batzuetan distantziak eta denboraren iragaiteak zaildu egiten duen bidea.