Tokikomek azaroaren 22an banatuko ditu urteko azalik, edukirik eta ikus-entzunezkorik onenari dagozkion sariak Berriobeitiko (Nafarroa) Artikako Kultur Etxean. Horrez gain, tokiko komunikabideen erronkak aztertuko dituzte ekitaldian, HUHEZIko Jon Sarasua, AEK-ko Lurdes Etxezarreta eta Xabier Garcia eta Eldiario.es-eko Ramon Argelinaren laguntzaz.

Edonork jaitsi dezake aplikazioa, baina, batez ere, Gukaren bazkideei zuzendutako tresna da. Aplikazioari esker, Gukakide izatearen abantaila guztiak esku-eskura izango dituzte aurrerantzean: Gukakide txartela, bazkidetzaren arabera jasotzen dituzten argitalpenak, geroago irakurtzeko gorde dituzten edukiak, zozketak eta lehiaketak, deskontuak eta abar.