Erniarraitzek aurten antolatu du lehenbiziko aldiz helduentzako bertso tailerra, edozein bertsozalerentzat. Saioak astearteetan izango dira, 19:00etatik 20:00etara, urtarrilaren 16an hasi eta apirilera arte. Kuota 50 eurokoa izango da, eta izena emateko erniarraitz@gmail.com helbidera idatzi beharko da edo Erniarraizko kideren batekin harremanetan jarri.
Tailer honetan parte hartzeko ez da bertsotan jakin behar, nahikoa da zale izatea, ordubete batez bertsoaz gozatzeko antolatu baitu Erniarraitzek. Beraz, zeren zain zaude?
Hurrengo astean hasiko denez, ostiral honetan itxiko da izen ematea.
