Matadero Ekintzakek antolatuta, Udaberriko Bebarruko Jardunek hasi dituzte asteburuan Matadeixen. Ostiral gauean, kontzertuekin eman zioten hasiera egitarauari, -Ante eta ASV triow musika taldeak arduratu baitira aurtengo kartela irekitzeaz.
Ordea, kultur emanaldiak ez ezik, bestelako hainbat saio ere izan dituzte asteburuan. Hain zuzen, sexu langileen eskubideen alde lan egiten duen Putxs en Lucha kolektiboak sexu lanari buruzko tailerra eta mahai ingurua eskaini zituen larunbatean; taldeko kide Carolina Clemente izan zen hizlaria, eta hainbat lagun elkartu ziren Matadeixen haren azalpenak jasotzeko.
Lehenengo saioak igarota, datorren larunbatean jarraituko dute Bebarruko Jardunek, Ekain pailazoaren Arlote bat ikuskizunarekin (19:00).
Horren ondoren, honako egitaraua izango du egitasmoak:
- Apirilak 10, osteguna: Gasteizkoak taldearen Conversión de la industria militar en Euskal Herria para no fabricar más guerras liburuaren aurkezpena, 19:00etan.
- Maiatzak 1, osteguna: Les Conches Velasques, Ibon RG eta Garazi Navasen kontzertuak, 20:00etan.
- Maiatzak 16, ostirala: Nize taldearen kontzertua, 22:00etan.
-Ante, Udaberriko Bebarruko Jardunetan. (Matadero Ekintzak)
ASV triow taldea, Udaberriko Bebarruko Jardunetan. (Matadero Ekintzak)