Musika oinarri duen Kantari saioa aurrenekoz iritsiko da Azkoitira. Saio horretan, Xabier Munibe ikastolako, Floreaga ikastetxeko eta Bizilore eskola aktiboko 125 ikasle inguruk parte hartuko dute. Grabaketak otsailaren 22an egingo dituzte Baztartxo antzokian, eta ordurako entseatzen jardun dute gaur antzokian bertan.
Kantari Azkoitia Gukak eta Abaok elkarlanean antolatu dute, Azkoitiko Udalaren eta Gipuzkoako Foru Aldundiaren laguntzarekin. Saioaren emanaldiak Azkoitia Gukan ikusi ahal izango dira martxoaren erditik aurrera.