Gaur hasiko dituzte parrokian andremarietako Salbearen entseguak

Erabiltzailearen aurpegia Parrokiako taldea 2025ko uzt. 28a, 09:46

Iazko Salbean parte hartu zuten herritarrak. (Guka)

20:00etan egingo dute aurreneko entsegua gaur, astelehena. Parrokiak herriko abeslariei Salbera animatzeko deia egin die. Era berean, San Inazio eguneko mezen berri eman du parrokiak. 

Gaur, astelehena, hasiko dituzte Andre Mariaren Jasokundeko parroki elizan andremarietako Salbea entseatzeko saioak. Aurreneko saioa 20:00etan egingo dute, eta parrokiak "dei berezia" egin nahi izan die herriko abeslari guztiei. 

Horrekin batera, ostegunean, San Inazio egunean, izango diren mezen berri eman du parrokiko taldeak. Santa Klara komentuan 09:00etan izango da meza, eta parrokian, igandeetako orduetan: 10:00etan gazteleraz eskainiko dute elizkizuna, eta 11:00etan, meza nagusia, euskaraz. Etzi, San Inazio bezperan, ez da mezarik izango.

Gizartea Azkoitia

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide