Azkoitiko KZguneak prest ditu maiatzean Elkarguneko egoitzan eskainiko dituen ikastaroak. Bideokonferentzia bidezko nahiz urruneko ikastaroak eskainiko dituzte KZguneko hezitzaileek datorren hilean, eta dagoeneko ireki dute ikastaro horietan izena emateko aukera.
Hona hemen KZgunean maiatzean euskaraz emango dituzten ikastaroen zerrenda:
- Zure bidaia planifikatu
- Bideokonferentzia.
- Lau ordu.
- Maiatzaren 6an eta 7an, 09:00etatik 11:00etara.
- Adimen artifiziala, ChatGPTa eta haren alternatibak
- Bideokonferentzia.
- Lau ordu.
- Maiatzaren 21ean eta 22an, 18:00etatik 20:00etara.
- Ofimatika orokorra. LibreOffice
- Urrunekoa.
- 40 ordu.
- Maiatzaren 5etik ekainaren 4ra.
- Instagram, argazkiak atera eta partekatu zure unerik onenak
- Urrunekoa.
- Hamar ordu.
- Maiatzaren 19tik 28ra.
- Zibersegurtasuna. Arriskuak, zaurgarritasunak eta mehatxuak
- Urrunekoa.
- Hogei ordu.
- Maiatzaren 5etik 21era.
Izena emateko moduak
KZguneko ikastaroetan izena eman nahi dutenek hainbat aukera dituzte:
- KZgunera joan. Une honetan, KZgunera aldez aurretik hitzordua eskatuta bakarrik joan daiteke, zentroko 943-02 36 19 telefonora deituta edota webgunearen bidez.
- Telefonoz deitu 943-02 36 19 zenbakira. Ikastaroan izena telefono bidez emateko KZguneko erabiltzailea izatea derrigorrezkoa da.
- KZgunearen webgunean. Ikastaroan izena emateko, erabiltzailea izatea derrigorrezkoa da. KZgunean edo ikastaroetan izena emateko laguntza behar dutenek ondoko bideo tutorialak kontsulta ditzakete, esteken gainean klik eginez:
- KZgunean izena eman (KZguneko erabiltzaile egitea).
- Webgunearen bidez formakuntzaren batean izena eman.