Azkoitiko KZguneak ikastaro aukera zabala prestatu du azarorako. Hain zuzen ere, hamalau ikastaro jarri ditu aukeran. Horietatik hiru, aurrez aurrekoak izango dira: WhatsApp aplikazioa erabiltzen ikasteko ikastaroa izango da bata; oinarrizko Internetari buruzkoa izango da bestea, nabigatzen eta posta elektronikoa erabiltzen ikasteko; eta smarthphoneak eta tabletak erabiltzen ikastekoa izango da azkena. Aurrez aurreko hiru ikastaroak euskaraz izango dira.
Ikastaro horien eta gainontzekoen inguruan informazioa nahi dutenek Azkoitiko KZguneko 943-02 36 19 telefono zenbakira dei dezakete edota tutor.azkoitia@kzgunea.net helbide elektronikora idatzi. KZguneko bulegoa 16:00etatik 20:00etara egoten da zabalik.