Anaitasuna Kanku karate eskolakoek emaitza bikainak lortu zituzten Gipuzkoako Karate Federazioak antolatutako Gabonetako jaialdian. Aretxabaletan (Gipuzkoa) jokatu zuten txapelketa, eta bai katan, bai kumitean, Kanku eskolakoek podiumera igotzea lortu zuten emaitza bikainekin.
Aimanek eta Amirrek urrea irabazi zuten beren kumite kategorian, eta Aimanek zilarra katan. Bestalde, Marcek, Haitzek eta Oihanek urrea, zilarra eta brontzea irabazi zituzten kimuen mailako kata kategorian. Aldiz, Haizeak eta Izarnek urrea eta zilarra irabazi zituzten katan eta kumitean, hurrenez hurren.
Zorionak entrenatzaileei eta kirolariei, eta eskerrik asko gurasoei zein ikasleei beren laguntzagatik eta inplikazioagatik! Jai zoriontsuak!