Azkoitiko Anaitasuna Kanku karate elkarte prest da 2025-2026 ikasturteari ekiteko. Ikastetxeetan ikasturtea hastearekin bat ekingo die herriko karate eskolak klaseei. Azkoitian, Inazio Iriarte kaleko egoitzan, eta Azpeitian, Garmendipeko kiroldegian, eskainiko dituzte klaseak datorren sasoian.
Haurrentzako eta helduentzako ikastaroak eskainiko dituzte Kankun; aurten, 3 eta 4 urte bitarteko aurrentzako karate ikastaroa abiatuko du elkarteak. Karateak kirola, tradizioa eta autodefentsa uztartzen ditu, eta Kankun izena ematen duten lagunek psikomotrizitatea, oreka eta espazioaren kontrola lantzen ikasiko dute.
Matrikula doakoa da, eta klaseetan izena eman nahi dutenek edota horiei buruzko informazio gehiago nahi dutenek 688 69 80 50 edota 652 70 23 03 telefono zenbakietara deitu beharko dute.