Erniarraitz Bertsozale Elkarteak urtero antolatzen du Txapelen omenezko bertso saioa, eta aurtengoa abenduaren 20an izango da, 22:00etan, Azpeitiko Soreasu antzokian. Bertsotan, Maialen Lujanbio, Amets Arzallus, Sustrai Colina, Aitor Mendiluze, Igor Elortza eta Eneritz Artetxe azkoitiarra arituko dira. Gai-jartzaile lanetan berriz, Haritz Etxeberria 'Ministro'-k jardungo du.
Sarrerak salgai daude dagoeneko, eta Azkoitiko Zurt tabernan erosi ahal izango dira 8 euroren truke. Egunean bertan, leihatilan, 10 eurotan jarriko dira.