Maiatzaren 23an Azkoitian grabatu zuten erromeria eskainiko dute etzi, zapatua, ETB1eko Oholtzan telebista saioan (22:15). Egun hartan musikak, dantzak eta argiek hartu zuten herriko plaza. Agertokian protagonista izan ziren Imuntzo eta Beloki trikitilariak.
Dena den, haiekin batera beste artista eta talde askok parte hartu zuten emanaldian. Bakarlari gisa aritu ziren Maider Ansa, Iraia Bereziartua eta Aitor Furundarena, eta talde moduan, Sahatsa dantza taldea, Bizkargi musika eta dantza eskola eta Azpeitiko Jose Mari Orbegozo-Dantzaki zein Luis Beltza dantza eskolak.