Irudia argia bezain gordina da: azken hamar egunetan, Euskal Herrian bi erailketa matxista eta erailketa saiakera bat izan dira Basaurin, Berrizen (Bizkaia) eta Iruñean.
Batzuek indarkeria matxista existitzen dela ukatu eta kontrakoa sinestarazi nahi diguten arren, muturreko kasu horiek dira oraindik jarrera matxistak egunerokotasunaren parte direla erakusten digutenak.
Egoera horren aurrean, erantzun errealak antolatu eta gizartean mota horretako jarrerak eta ikuspegiak deuseztatuko dituen antolakuntza bultzatzeko ardura daukagu guztiok.
Gaur, beraz, elkarretaratzea deitu dugu herriko plazan arratsaldeko 19:00etan.
Erasoen aurrean, antolatu!