Andremaria bezpera ospatu zuten atzo Azkoitian, eta betiko legez, herritar ugari bildu zen parrokian Salbea entzuteko asmoz. Atzoko emanaldian, Iraurgi abesbatzako eta Parrokiako Abesbatzako kideek nahiz Jose Luis Frantzesena organo jotzaileak eskaini zuten emanaldia, eta Ignacio Busca Sagastizabalen Salbea eta Nemesio Otañoren Ave Maria entzun ahal izan ziren jendez goraino bete zen Andre Mariaren Jasokundeko parrokian.
Horren aurretik, 19:00ak aldera, udal ordezkariak Andre Mariaren Jasokundearen parrokiara joan ziren korporazioan, Txalkor txistulari taldeak Alkate soinua jotzen zuen bitartean.