Iker Hernandez karateka azkoitiarrak Espainiako Karate Txapelketa jokatu du euskal selekzioa Jaenen (Espainia). 21 urte azpikoen lehian aritu da hura, eta maila txukunean, gainera; izan ere, final laurdenetan gelditu da Hernandez txapelketatik kanpo. Finalerdien atarikoan Espainiako hirugarrenaren aurka aritu behar izan zuen hark, eta ezin izan zuen hura mendean hartu.
Dena den, 21 urtez azpiko Espainiako rankingeko hamahirugarren posturaino igo da Hernandez Jaenen jokatutako txapelketaren ondoren; izan ere, azkoitiarrak lau kanporaketa gainditu ditu final laurdenetaraino sailkatzeko.
Hernandez 21 urtez azpiko Euskadiko txapelduna da egun, baita Gipuzkoako eta Asturiasko txapelduna ere. Bergarako (Gipuzkoa) Shotokan eskolan entrenatzen du azkoitiarrak.