Zein da 'mama' Azkoitiko hitzaren esanahia?

Erredakzioa 2025ko ira. 26a, 08:57

Pertsona bat konfetiei putz egiten. (Freepik)

Azkoitia Gukak, herriko euskara bultzatzeko asmoarekin, Azkoitiko hitz edo esamolde bat argitaratzen du ostiralero. Aurrekoan, trintxerie hitzaren esanahia erakutsi zuen webgunean Azkoitia Gukak; oraingoan, mama hitza aukeratu du. Ba al dakizu zein den adiera horren esanahia?

Mama hitzak norbaitek zorte ona edo pagotxa izan duela esan nahi du Azkoitian. Hona hemen adibide bat:

  • Azkoitiko hizkeran: "Osaba Luixek mama euki zun loterixe tokau zikon egunin".
  • Euskara batuan: "Osaba Luixek zorte ona izan zuen loteria egokitu zitzaion egunean".

Iturria: Azkoittiko euskerie, Aizkibel beka.

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide