Ohiko ordutegian zabalduko dute Plaza Ondo elkartearen bulegoa datorren astetik aurrera

Andoni Elduaien 2025ko abu. 26a, 09:18

Plaza Ondo elkartearen bulegoa. (Guka)

Datorren astetik aurrera, astearteetan, asteazkenetan eta ostegunetan egongo da irekita Plaza Ondoren bulegoa, 10:30etik 12:00etara. 

Udako oporraldia dela eta, Azkoitiko Plaza Ondo jubilatuen elkartearen bulegoa itxia egon da uztailaren 31az geroztik. Oporrak igarota, ordea, elkarteak datorren astean ekingo dio egunerokoari, eta bulegoa ere datorren astean zabalduko dute. 

Elkarteari lotutako kudeaketaren bat egin nahi duenak astearteetan, asteazkenetan eta ostegunetan izango du irekita Plaza Ondoren bulegoa, 10:30etik 12:00etara. 

Ikasturte berriko ikastaroak

Elkarteak ikasturte berrian eskainiko dituen ikastaroen berri oporren aurretik eman zuen. Guztira, honako sei tailer hauek osatuko dute urrian hasiko den sasoi berriko programa: pintura, arropa konponketa eta makramea, areto dantzak, gurutze puntua, yoga eta kantua. Horiez gain, Gure inguruak ezagutzen ibilaldiekin zein bingo saioekin ere jarraituko dute. Honako lotura honetan irakur daiteke ikastaro horiei buruzko informazio guztia. 

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide