Koldo Campos zenaren El rey necio ipuina berrargitaratu du Eragin edizioak euskal zigilu independenteak. 2012. urtean kaleratu zuten Camposen liburua Dominikar Errepublikan, eta urte bat lehenago, 2011n, Haur eta Gazte Literaturako Letras de Ultramar saria ere jaso zuen. Orain, Abartzuzan (Nafarroa) argitaratu du Eraginek Azkoitiko bizilaguna zenaren ipuina.
El rey necio 84 orrialdeko ipuina da, eta umorea eta metafora uztartzen ditu. Metro erdi baino ez den errege zoro bati buruz hitz egiten du hark. Hain justu, errege horrek bere buruaren gainetik altxatzen den edozer debekatuko du, eta horregatik, besteak beste, mendiak eta etxeak eraitsiko ditu.
Campos iaz zendu zen, 70 urte zituela. Aktibista zen hura, baita Maxixatzeneko kolaboratzailea ere. Iruñean jaio zen Campos, nazionalitate dominikarra zuen eta azken bi hamarkadetan Azkoitian bizi izan zen. San Jose egoitzan bizi izan zen azken urteetan, eta behin baino gehiagotan salatu zituen egoitzaren kudeaketa eta egoiliarren egoera.