Bizkargi musika eta dantza eskolak 24. urtez antolatutako Taldez Talde zikloaren bigarren kontzertua izan da gaur eguerdian, eta oraingo honetan, Azkoitiko Musika Bandak eta Bizkargi eskolako banda gazteak eskaini dute emanaldia. Ohi bezala, 12:30ean hasi da zuzenekoa, eta dozenaka lagun elkartu dira Kontzejupean musikariek eskaini dituzte abestiez gozatzeko.
Joan zen astean hasi zen Taldez Talde egitasmoa, euskal musika tresnek eta dantzek osatutako emanaldiarekin. Datorren igandean, hilaren 30ean, izango da azken saioa, Iraurgi eta Bizkargi abesbatzen eskutik.