Txistu eta sirena hots artean, protesta zaratatsua egin zuten atzo arratsaldean Sidenor lantegiko zenbait beharginek, eta bi aldarri nagusi eraman zituzten plazara: 2023ko abendutik iraungita dagoen enpresa hitzarmena berritzea batetik, eta iazko apirilelik indarrean duten aldi baterako lan erregulazio espedientea bertan behera uztea, bestetik.
Azken hilabeteetan lan gatazka betean murgilduta daude Azkoitiko lantegiko beharginak, eta bizi duten egoera salatzeko, ELA eta LAB sindikatuek deituta mobilizazioak egiten hilero plazan; horietako bat izan zen atzokoa.