Txikitatik ekarri du margotzeko afizioa Miguel Zubizarreta Bolante margolari azkoitiarrak. "Autodidakta" gisa definitzen du bere burua, eta paisaiak margotu izan ditu batez ere, beti olio pinturarekin. 80 urte bete berri, museo bat betetzeko adina koadro ditu eginda; hark esatera, 2.400 koadro ditu koadernoan apuntatuta, baina apuntatu gabe dituenak ere badituela dio. Guztira, 2.500 lan izango ditu eginda Bolantek. Martxoko aldizkarian elkarrizketatu du hura Azkoitia Gukak.