Udalak etzi, ostirala, banatuko du 2024. urteko Azkoitiko Kirolari Onenaren Saria. Udaletxeko bilkura areto nagusian egingo dute ekitaldia, 19:00etan hasita. Urtero bezala, hainbat kirol diziplinetan nabarmendu diren kirolariak omenduko ditu erakundeak, eta hala, diziplina bakoitzeko kirolari banari oroigarria emango diete.
Horren ondoren izendatuko dute 2024. urteko herriko kirolari onena. Izendapena jasotzeko hautagaiek eta ekitaldira joaten diren kazetariek izango dute botoa emateko aukera. Hain justu, kirolarien eta kazetarien botoek balio soila izango dute, eta aldiz, bikoitza udal ordezkarienek.
Iaz, Imanol Larrañaga korrikalaria izendatu zuten Azkoitiko Urteko Kirolari Onena.