Euria gogotik ari du gaur Azkoitian, eta goizean egitekoak ziren XXI. Kale Atletismo Erakustaldia bertan behera utzi behar izan dute. Halere, XXII. Andremarietako Miliak aurrera jarraitzen du: 13:00etatik aurrera gozatu ahal izango da saioaz, Balda plazan.
Horrez gainera, herri bazkaria lekualdatu behar izan du udalak eguraldi txarraren ondorioz: Berdura Plazan eta herriko plazako arkupeetan izango da bazkaria, hain justu. 14:30ean hasiko da, eta aurten, menu beganoa hautatzeko aukera izango du nahi duen orok.