Gabon eguna da gaur, eta urtero bezala Olentzerok eta Mari Domingik Euskal Herriko hainbat txoko bisitatu dituzte; tartean, Azkoitia. Koronabirusak eragindako pandemia dela-eta, ezohiko moduan egin dute aurten bisita, eta eliz atarian egon beharrean herriko kaleak zeharkatu dituzte kamioi batean. Herriko umeek ere ez dute hutsik egin, eta zain-zain egon dira Olentzeroren eta Mari Domingiren zain Azkoitiko hainbat puntutan. Horrez gain, Udal Musika Bandak ere kaleak alaitu ditu Gabonetako hainbat kantu joaz, eta Gabon eskean ere ibili dira dozenaka herritar.
Olentzeroren eta Mari Domingiren bisita, bideoan
Erlo Telebistak bideoan jaso ditu Olentzerok eta Mari Domingik gaur, abenduak 24, herriko kaleetan zehar egin duten kalejira, baita Gabon eguneko gainontzeko ekitaldiak ere.
Erlazionatuak
Gaurko ametsak biharko albiste izan daitezen, beharrezkoa dugu zure babesa.
Egin bazkide
Egin bazkide