Olentzeroren eta Mari Domingiren bisita, bideoan

Gabon eguna da gaur, eta urtero bezala Olentzerok eta Mari Domingik Euskal Herriko hainbat txoko bisitatu dituzte; tartean, Azkoitia. Koronabirusak eragindako pandemia dela-eta, ezohiko moduan egin dute aurten bisita, eta eliz atarian egon beharrean herriko kaleak zeharkatu dituzte kamioi batean. Herriko umeek ere ez dute hutsik egin, eta zain-zain egon dira Olentzeroren eta Mari Domingiren zain Azkoitiko hainbat puntutan. Horrez gain, Udal Musika Bandak ere kaleak alaitu ditu Gabonetako hainbat kantu joaz, eta Gabon eskean ere ibili dira dozenaka herritar.