Maxixatzen aldizkariaren urtarrileko zenbakia banatuko dute aste honetan, eta Gorka Larrañaga irudigile azkoitiarrarekin bere ibilbide artistikoaz hitz egin du Maxixatzenek luze eta zabal. Larrañaga urte luzez bizi izan da Mexikon, eta Casa Galeria proiektuan buru-belarri sartuta ibili da. Orain dela urtebete pasatxo Euskal Herrira bueltatzea erabaki zuen Larrañagak, eta ordutik beste hainbat erakusketa zabaldu du han eta hemen. Honako bideo hau aldizkariko elkarrizketaren aurrerapena da.