Abendurako Ramon Oñederra Kattu-ren (Azkoitia, 1960-1983) omenezko hainbat ekitaldi antolatu dituzte. Izan ere, asteazken honetan, abenduak 19, 35 urte beteko dira GALek Ramon Oñederra Kattu hil zuela.
Esaterako, gaur, abenduak 18, hitzaldia eskainiko dute Kultur Etxean, 18:30ean. Iheslari politikoen ibilbidea eta gaur egungo egoera izango dituzte aztergai. Bihar, abenduak 19, 35 urte beteko dira errefuxiatu azkoitiarra Baionan hil zutela. Lan egiten zuen Kayetenia tabernan hil zuen GALek tiroz. Askapenerako Terrorismoaren Aurkako Taldearen lehen hilketa izan zen Kattu-rena. Baionan omenaldi ekitaldia egingo dute abenduaren 19an, 19:00etan. Ekitaldiekin amaitzeko, ohiko XXXIV. Kattu Xake Memoriala egingo dute, abenduaren 23an.
Joan den zapatuan, abenduak 15, mendi irteera egingo zuten Madariagara, eta zuhaitza landatu zuten auzoan. Handik jaitsitakoan, ekitaldia izan zen plazan.