Frantzian zigorra bete ostean, Espainiaratu egin dute, banda terroristaren kide eta kolaboratzaile izatea leporatuta, Espainiako Gobernuak 2011an eskatu zuen "Traki"-ren estradizioa. Frantzian delitu horiengatik zigorrik bete al duen baieztatu bitartean kartzelara bidali du Velasco epaileak.
2001eko abenduan atxilotu zuten Lete Frantziako Auch herrian, hilketak eragin eta kalte terroristak egitea egotzita.
"Traki" atzo pasatu zen epailearen aurretik aipatutako delituengatik deklaratzera, baina oraindik auzi gehiago ditu epaitu gabe, Fernando Andreu epaileak zuzentzen duen 4 zenbakiko Instrukzio Epaitegi Zentralean.
Azken epaile horrek, Fernando Andreuk, delitu hauek egozten dizkio Leteri: hiru polizia, Ramon Baglietto UCDren zinegotzia eta Cesar Uceda Vera tenienteordea hil izana.
Velascoren esku dagoen auzian leporatu diote bakarrik "Traki"-ri ETAko kide izatea. Hala ere, aipatutako delituengatik Frantzian zigor horiek bete dituela baieztatzen bada, auzia artxibatzea eskatuko du Eloy Velascok.
Hona hemen, ekainaren 13an "Traki" herrira ekartzeko eskatu zuten prentsaurrekoa.