Ostiralean izango da ikusgai GUKA magazinaren denboraldi honetako azken atala, 22:00etatik aurrera, Erlo Telebistan nahiz Urolako Komunikazio Taldearen tokiko webguneetan; tartean Maxixatzen.eus-en.
Askotariko gaiak landuko dira saioan zehar, besteak beste, Errezilen egingo duten Eskola Txikien Jaiaren inguruko erreportajea, Alba Menendez eskubaloi jokalari zarauztarrari egindako elkarrizketa eta Urrutira joan gabe atalean Zumaiako eta Getariako inguruetan egindako ibilaldia izango dira ikusgai ostiraleko saioan.
Urola Kosta eskualdea osatzen duten txoko, istorioei eta protagonistei ahotsa emateko helburuarekin sortu zuen UKT-k GUKA magazina. Honako hau 2022ko ekaineko atalaren aurrerapen bideoa da.
Ikusi GUKA magazinaren atal guztiak honako lotura honetan.