Zubiberri gimnastika erritmiko taldekoek Gasteizko Lirain txapelketa jokatu zuten zapatuan. Nagusien mailako talde batek parte hartu zuen, eta haiek uztaiekin eta pilotekin egin zuten lan. Hain justu, Aitana Sanchezek, Maren Casasek, Amaia Sudupek, Jone Arzuagak eta Ane Illarramendik parte hartu zuten lehian. Illarramendik, gainera, kadete mailako txapelketan ere eskaini zuen bere lana uztaiarekin.
Sailkapenean goiko puntan ibili zen taldea; izan ere, taldekakoan bigarren postua eskuratu zuten Zubiberrikoek, eta Illarramendi hirugarrena izan zen kadete mailakoan.