Zubiaurre igeriketa klubak San Andres egunean egindako zozketako irabazlea 69.833 zenbakia izan da, ONCEren azaroaren 30eko zozketako zenbaki sarituarekin bat datorrena, hain zuzen. Zenbakiaren jabeak 2.500 euroko erosketa bonua irabaziko du Herrixen merkatari elkartearen barruko dendetan gastatzeko.
Horretarako, klubeko kideekin harremanetan jarri beharko du lehenbailehen. Hain justu, hamabost eguneko epea izango du irabazleak; izan ere, ordezko zenbakia abenduaren 16ko ONCEren zozketako zenbaki sarituarekin bat datorrena izango da.
Irabazleak info@zubiaurreigerielkartea.eus helbide elektronikora idatzi edo 641 55 20 12 telefono zenbakira deitu beharko dute.