Igeri eskolako ikasle eta ikasle ohi guztiak daude gonbidatuta frogan parte hartzera. Aurten, gainera, berezia izango da: Zuhaitz Urain Alberdi iaz zendutako gazte azkoitiarra, Zubiaurre Igeri Elkarteko ikasle ohia omenduko dute.
Urte osoan zehar lehiaketaz lehiaketa dabiltzan igerilariek urtea igeriketa-festa batekin amaitzea da ekimenaren helburua, lehiaz haratago, igeriketaz goza dezaten haur eta gazteek.
Frogan parte hartu nahi izanez gero, Zubiaurre Igeri Elkarteko arduradunekin harremanetan jarri behar da.
