Egunean bertan jokatutako probetan ere, lan bikaina egin zuten igerilari azkoitiarrek, eta domina ugarirekin itzuli ziren etxera. Zubiaurre Igeri Elkarteko gurasoek Txaro Alberdi eta Alex Herrero entrenatzaileen lana eskertu nahi izan dute, urte osoan egindako lanagatik.
Zubiaurre igeri elkarteko igerilari gazteenek (9 eta 13 urte artekoek) joan den larunbatean eman zioten amaiera 2014-2015 denboraldiari, Oñatin, Txantxiku Sariketan parte hartuta. Berezia izaten da Oñatiko jardunaldia, egunean bertan jokatutako probak ez ezik, urte osoan jasotako emaitzak ere saritzen direlako. Hala, sari nagusietako bat Azkoitira etorri zen; Gipuzkoako bigarren talderik onenaren saria eskuratu zuen Zubiaurrek, denboraldi osoan lortutako emaitzengatik.
Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide