Altamirako Baratze Parkeko hazitegietan heldutako zuhaitz landareak atera zituzten Urola Bizirik natur taldeko kideek. Hain zuzen, zuhaitz landare horiek bihar, larunbata, landatuko dituzte Munoaundin. Guztira, 200 landare inguru prestatu zituzten natur taldeko kideek biharko.
09:00etan, oinez abiatuko dira Abaraxka aterpetxe paretik Munoaundira, eta behin hara iritsitakoan landutako dituzte zuhaitzak. Munoaundiko herri lurretan bertako basoa berreskuratzeko duten proiektuaren barruan egingo dute landaketa dozenaka herritarrek, udalak utzitako lursailetan.
