Doinua: Pello Joxepe
Sasoi honetan guztia ez da
beheko sua ta gaztaina
sanandresake badatoz eta
presta zazue txanpaina
egun handia baino lehen ere
goza liteke han aina
danbor hotsekin heldu ohi zaigu
herrira festa usaina.
Udatik hasi ziren festa hau
udazkenera ekartzen
eta ikusi besterik ez da
zenbat jende den elkartzen
nahiz ta askotan fetxa hauetan
euria den iragartzen
barrutik busti xamar dagonak
ez du euririk igartzen.