Plaza Ondo jubilatuen elkarteak txangoa antolatu du Najerara (Errioxa, Espainia) urriaren 16rako. Ibilaldirako txartelak urriaren 2an, asteazkena, jarriko dituzte salgai elkartearen bulegoan, eta 38 euroren truke eskuratu ahal izango dira.
08:30ean abiatuko da autobusa liburutegi ondoko geltokitik; itzulera, berriz, 20:30ean izango da Najeratik. Hamarretakoa norberak eraman beharko du, baina edaria elkartearen kontura izango da. Bestalde, bazkaria Chuletillas bodegan izango da.