Oteiza pilota elkarteko eskuzko pilotariek txapelketa berriak dituzte jomugan. Aste honetatik aurrera, nagusiak, gazteak eta kadeteak lau eta erdiko txapelketan murgilduko dira. Aldiz, haurren eta kimuen mailakoek Errendimendua Udaberri txapelketa jokatuko dute eskuz binaka. Ostegunean, hiru partida ikusteko aukera izango da Gurea frontoian, eta zapatuan, bi.
Osteguneko partidak 20:00etan hasiko dira, eta eguneko azkena izango da, beharbada, emozio handiena piztuko duena; izan ere, Iker Epelde palistak buruz buruzko finalerdia jokatuko du orduan. Beotibar elkarteko Arregi izango du arerio palista azkoitiarrak.
Hona hemen Oteiza elkartekoek aste honetan Gurean jokatuko dituzten partiden zerrenda:
Osteguna:
- 20:00etan, kadeteen lehen mailako Gipuzkoako lau eta erdiko eskuzko partida:
- Julen Etxaniz - Dorronsoro (Ataun)
- 20:00etan, nagusien lehen mailako Gipuzkoako lau eta erdiko eskuzko partida:
- Mikel Aranbarri - Egiguren (Ilunpe)
- 20:00etan, nagusien lehen mailako Gipuzkoako txapelketako gomazko paletako finalerdia:
- Iker Epelde - Arregi (Beotibar)
Larunbata:
- 10:00etan, nagusien lehen mailako Gipuzkoako lau eta erdiko eskuzko partida:
- Aitor Oteiza- Odriozola (Ilunpe)
- 10:00etan, nagusien bigarren mailako Gipuzkoako lau eta erdiko eskuzko partida:
- Inhar Egaña- Diaz de Gereñu (Intza)
Hona hemen Oteiza elkartekoen aste honetako partiden zerrenda:
Azken emaitzak
Joan den astean, bi partida jokatu zituzten Oteiza elkarteko eskuzko pilotariek eta palistek. Batetik, Julen Etxanizek eta Urtzi Segurolak kadeteen lehen mailako Udaberri txapelketa irabazi zuten eskuz binaka, Lazkaoko Antzar pilota kirol elkarteko bikote bat 22-13 menderatuta. Iker Epelde palistak, berriz, aste honetan jokatuko duen finalerdirako txartela eskuratu zuen Zarautz elkarteko Loidiri 25-13 irabazita.
Hona hemen emaitza guztiak:
